ბებიას მოქსოვილია…

ჩვენ ვართ „ბებიას“ – ქართული ბრენდი, რომელიც გთავაზობთ ნამდვილი ბებიების ხელით მოქსოვილ ქუდებს და სხვა აქსესუარებს. ჩვენ, ერთი მხრივ, სახლში მყოფ ბებიებს საშუალებას ვაძლევთ, გამოიმუშავონ შემოსავალი საყვარელი საქმით, ხოლო მეორე მხრივ, ვქმნით მაღალი ხარისხის თბილ და ეკომეგობრულ პროდუქტს.

იდეა მოდის ჩვენი ბავშვობიდან, როდესაც ყველაზე თბილი და საყვარელი ქუდი ბებიას მოქსოვილი იყო. სწორედ ერთი ასეთი ქუდის გამო გადავწყვიტეთ, იდეა რეალობად გვექცია.

ჩვენ ვგეგმავთ, კიდევ უფრო გავამრავალფეროვნოთ პროდუქციის ასორტიმენტი და ავითვისოთ უცხოური ბაზრები, რაც საშუალებას მოგვცემს, დავასაქმოთ ასობით ქართველი ხანშიშესული ქალბატონი ერთ-ერთი ყველაზე მოწყვლადი სოციალური ჯგუფიდან.